Tre shqiptarë janë arrestuar në Itali pas goditën me thikë dhe copa xhami të thyera një person. Burri nga Gambia pësoi lëndime të rënda dhe është shtruar në një spital në Salerno.
Ngjarja ka ndodhur përgjatë rrugës bregdetare të Pontecagnan. Shqiptarët janë akuzuar për tentativë vrasje dhe ndodhen në burgun e Furornit.
Karabinierët janë lajmëruar nga një kalimtar i rastit që është bërë dëshmitar i ngjarjes tronditës. Pas deklarimit të bërë, ata kanë arritur të identifikojnë autorët dhe t’i arrestojnë.
Policia italiane po heton motive e ngjarjes, ndërsa nuk përjashtohet mundësia të jetë për larje hesapesh mes emigrantëve lidhur me trafikun e drogës. I plagosuri ka dëmtime të shumta në trup, si mavijosje, plagë me thikë në qafë, shpinë dhe krah.